يبه ، أمي ماتت خلآص !
(( هذه طفله يقال عنها ســـارهـ توفت والدتها وبدأت معاناتها ولم تجد الا والدها كي
تحكي وتشكي وتبكي إليه ، إليكم حوار هذهِ الطفله البريئه مع والدها المسكين ))
((، والله وانا اقرأ خنقتني العببرة ، الله يخليلكم والدينكم ولا يحرمكم منهم ، اللهم امييين .... ))
ياساره كيف حالك ؟
يبه لا تسالني عن الحال !!
يبه أرجوك جاوبني بس على هالسؤال !!
أمي وين ؟؟؟
يبه تدري وش تقول أحلام ,,
تقول أمك ياحلوه سافرت للظلام ,,
تقول أمي غابت ,, تقول أمي راحت ,,
تقول أمي ماتت خلاص ,,
تقول أمي غطوها بكفن ..
ثم صلوا عليها الظهر ..
ثم حطوها بقبر ..
ثم راحو وخلوها .. مشوا وتركوها ..
يبه تكفى ودني لها ,,
خلني أشوفها ,, وأبوس كفوفها ,,
وأعطيها عمري فدوه لها ,,
يبه أذكر يوم أمي تعلمني صلاتي ,, وآذكر كيف كانت تلبسني جلالي ,,
كانت تقول ياساره الله الله في صلاه الفجر ,,
ولا تنسين وأنا أمك الوتر ,,
يبه والله ماعاد فيني صبر ,,
قولها ترجع خلاص تكفى يبه ,, قولها صرت أحافظ على صلاتي
قولها صرت ألبس جلالي لحالي ,, قولها خلاص أنا بجمع العابي
وأنا بغسل ثيابي ,, وأنا بقوم الصبح بدرى وألبس مريولي ,, وأحضر
الفطور لخواني ,, بس ترجع لي تكفى يبه ’’
أمي وين ؟؟؟؟
لا تقول راحت السوق البعيد ,, تشتري لي فستان جديد ,,
عشان أفرح وأغني بالعيد ..
قولها مابي شي خلاص ,, أبيها بس ترجع لي تصففلي شعري
وتختار لون لشباصتي ,, وتجلس قبالي وتضمني ,, تكفى يبه
خلها ترجع وتضربني ,, بس لا تتركني ,,
أبي أحتضنها بجنون ,, لو يكون الي يكون ,,
أدري عليها أمون ,,
إن خطيت أو شكيت أو حتى بكيت ، بانتظاري قمة الصدر الحنون ,,
يبه ياكذبها أبله سعاد تقول يابنات بكره حفل الامهات ...
ولازم أمك تجي ياوعد ,, وأنتي بعد ياعهد ,, وأنتي معاهم ياحصه وشهد ,,
بس ماقالت لي يبه !!
تقول الي ماعندها أم تصير يتيمه ,, مسكينه ,, لا تجي بكره !!..
يبه كانت تتكلم وتناظرني ,, كآنها تقصدني ..
يبه قلت لي أمي بتجي الساعه 12 !!
متى تجي الساعه 12 ؟؟؟
ننام ونقوم ننام ونقوم يعني معقول باقي ماجت الساعه 12 !!
يبه أبله سعاد تقول ياساره أنتي تغيرتي ,, أنتي كبرتي وصرتي عروس ’’
يبه أمي كانت تقول ياساره متى أشوفك عروسه ؟؟
يبه خلها تجي وتشوفني ,, خلها بس تجي وتضمني وتروح ’’
يبه يقولون أمي راحت وخلتني ,, سافرت وسابتني ,,
يقولون أمي ماتت خلاص ..
يبه ليه تبكي ؟؟ ليه ماتحكي ؟؟
تكفى يبه قولها خلاص مابي فستان ولا عبايه وشال !!
ولا أبي شي خلاص بس ترجع لي تكفى يبه تكفى خلاص ..
تكلم يابوي أمي ماتت صح !!!
آآآآآآآآآآآآآآآآآآآآآآآآآآآآآآ آآآآآآآآآآآآه ’’’’
الحين منهو يروح معي حفلتي ؟؟
ومنهو يشاركني فرحتي ؟؟
ومنهو يسمع شكوتي ؟؟
ومنهو يمسح دمعتي ؟؟
من دونها يبه أنتهت دنيتي !!
وبفراقها يبه ودعت بسمتي !!
ليه ياميمتي ؟؟ حرمتيني شوفتك !!
وتركتيني لوحدتي ,,
تكفى يبه قول أنها باقي في السوق ,,
قول أنها بتجي الساعه 12 ,,
أكذب يبه تكفى يبه قول أنها بترجع لي خلاص
قول أنها بترجع لي خلاص ,,
تكفى يبه .. تكفى يبه
